काठमाडौं । अर्थमन्त्री डा.प्रकाशशरण महत भारत प्रस्थान गरेका छन् ।

आइतबार बिहान जी-२० फाइनान्स ट्रयाक बैठकमा सहभागी हुन अर्थमन्त्री महत भारत प्रस्थान गरेका हुन् ।

अर्थमन्त्री महतको साथमा वैदेशिक मामिला हेर्न सहसचिव श्रीकृष्ण नेपाल र मन्त्रीका निजी सचिव युवराज पाण्डे रहेका छन् ।

अर्थमन्त्री महत बुधबार स्वदेश फर्किने कार्यतालिका छ । सोमबार र मंगलबार भारतको गुजरातमा जी-२० फाइनान्स ट्रयाक बैठक हुने छ ।

यसमा विभिन्न देशका अर्थमन्त्री तथा गर्भनरसहितको सहभागिता रहनेछ । आउँदो सेप्टेम्बरमा भारतले जी-२० शिखर सम्मेलन गर्दै छ । त्यसका तयारीका लागि यो बैठक हुन लागेको छ ।