काठमाडौं । प्रतिनिधिसभाका पूर्व सभामुख अग्निप्रसाद सापकोटाले वर्तमान सरकारप्रति जनताको आशा पलाएको बताएका छन् ।

आइतबार ‘जनतासँग माओवादीको विशेष रुपान्तरण अभियान’ विषयमा कीर्तिपुर नगरपालिकाको बैठकमा बोल्दै उनले यस्तो बताएका हुन् ।

उनले विकास, समृद्ध, सुशासन, सामाजिक न्यायको लागि अगाडि बढिरहेको अवस्थामा कृषिको यान्त्रिकिकरण, आधुनिकीकरण, औद्योगिकिकरण र बजारिकरणलाई बढावा दिन आवश्यकतामा जोड दिए ।

नेकपा (माओवादी केन्द्र) का केन्द्रीय उपाध्यक्ष समेत रहेका पूर्वसभामुख सापकोटाले सरकारले एकपछि अर्को राम्रा कामहरुको थालनी गरेकाले जनता उत्साहित भएको बताए ।