काठमाडौं । नेकपा माओवादी केन्द्रले ‘जनतासँग माओवादी विशेष रुपान्तरण अभियान’ अन्तर्गत वडा तहको कार्यक्रम शुरू गरेको छ ।

पञ्चेबाजासहित पार्टी अध्यक्ष एवं प्रधानमन्त्री पुष्पकमल दाहाल ‘प्रचण्ड’ले चन्द्रागिरिबाट वडास्तरको अभियानको पनि उद्‌घाटन गरेका हुन् ।

यस अघि केन्द्रीय कमिटी बैठकले अध्यक्ष र वरिष्ठ उपाध्यक्ष पनि सात प्रदेशका सात वटा वडासम्म पुग्ने घोषणा गरेको थियो ।

प्रचण्डले कार्यक्रमको शुरूवात स्वरूप एभोकाडोसहितका फलफूलका बिरुवा रोपेका छन् । त्यसपछि उनले नागरिकसँग प्रत्यक्ष संवाद पनि गरेका छन् ।

माओवादीले आजबाट देशभरका ६ हजार ७ सय ४३ वटै वडामा अभियान शुरू गरेको हो ।