काठमाडौं । भारत साफ यु-१९ फुटबल च्याम्पियनसिपको विजेता बनेको छ । शनिबार काठमाडौंको दशरथ रंगशालामा भएको फाइनल खेलमा भारतले पाकिस्तानलाई ३-० गोलले पराजित गरेको हो ।

भारतलाई जित दिलाउन मङ्लेथाङ केप्गेनले दुई र ग्वग्वम्सार गोयरीले एक गोल गरे । योसँगै भारत प्रतियोगिताको तेस्रो पटक च्याम्पियन बनेको छ ।

यसअघि गत वर्ष भारतमा भएको च्याम्पियनसिपमा पनि भारतले नै जितेको थियो। सन् २०१९मा पनि भारत च्याम्पियन बनेको हो ।

पाकिस्तानले भुटानलाई र भारतले नेपाललाई पेनाल्टी सुटआटमा हराउँदै फाइनलमा स्थान बनाएका थिए ।