काठमाडौं । पाकिस्तान काठमाडौंमा जारी साफ यू–१९ च्याम्पियनसिपको फाइनलमा पुगेको छ ।

दशरथ रंगशालाम आज भएको सेमिफाइनलमा खेलमा पाकिस्तानले भुटानलाई सडन डेथमा पराजित गर्दै फाइनलमा पुगेको हो ।

निर्धारित ९० मिनेटको खेलमा दुवै टिमले गोल गर्ने मौका पाए पनि सदुपयोग नगरेपछि खेल टाइब्रेकरमापुगेको थियो । टाइब्रेकरको पहिलो सेटमा दुवै टिमका पाँच पाँच जनाले नै गोल गरेपछि टाइब्रेकर लम्बिएको थियो ।

भुटानका लागि सल्जिम पेल्जाङले प्रहार गरेको छैटौं पेनाल्टी पाकस्तिानका गोलकिपर साहिल गुलले पञ्च गरेर बाहिर पठाए ।

पाकिस्तानका लागि फाइनल पेनाल्टीमा कमिल अहमद खानले कुनै गल्ती गरेनन् र टिमलाई फाइनल पुर्‍याए। ९० मिनेटको खेलमा भुटान रणनीतिक हिसाबले निकै बलियो देखिए पनि पेनाल्टी सुटआउटमा पछि परेको हो ।

विजेता पाकिस्तानले उपाधिका लागि नेपाल र भारतबीचको खेलको विजेतासँग खेल्ने छ ।