काठमाडौँ । चीनमा जारी १९औँ एसियाली खेलकुद प्रतियोगिताको पुरुष क्रिकेटको भारतविरुद्धको क्वार्टरफाइनल खेलमा नेपालले दोस्रो विकेट गुमाएको छ ।

दोस्रो विकेटका रूपमा नेपालले कुशल भुर्तेललाई गुमाएको हो । उनी २८ रन बनाउँदै आउट भएका हुन् ।

योसँगै दुवै ओपनर आउट भएका छन् । पहिलो विकेटका रुपमा ओपनिङ ब्याटर आसिफ शेख १० रन बनाएर आउट भएका थिए ।

पहिलो ब्याटिङ गरेको भारतले निर्धारित २० ओभरमा ४ विकेट गुमाउँदै २०२ रन बनाएको थियो । २०३ रनको विजयी लक्ष्यका साथ नेपाल जवाफी ब्याटिङ गरिरहेको छ। नेपाल समूह ‘ए’को विजेता बन्दै क्वार्टरफाइनलमा पुगेको हो ।