काठमाडौँ । नेपाल मजदुर किसान पार्टीका सचिव एवं सांसद प्रेम सुवालले प्रधानमन्त्री पुष्पकमल दाहाल ‘प्रचण्ड’ लाई राजीनामा दिन सुझाव दिएका छन् ।
२६ औं राष्ट्रिय भूकम्प सुरक्षा दिवसको अवसरमा मंगलवार भक्तपुरमा आयोजित जनचेतनामुलक शैक्षिक प्रदर्शनीलाई सम्बोधन गर्दै सांसद सुवालले जनतालाई धोका दिएर सिंहदरबार कब्जा गरेर नबस्न चेतावनीसमेत दिए ।
सुवालले केही दिन अघिको नेताहरूको बैठकमा प्रचण्ड प्रधानमन्त्री बनेको एक वर्षमै देशको अर्थतन्त्र ध्वस्त भएको स्पष्टोक्ती दिएका थिए । राणा शासन र पञ्चायतविरुद्ध लडेकाहरूले गणतन्त्रमा अब केही गर्न सकिँदैन भनेर जनतालाई धोका दिन नपाइने उनले बताए ।
सुवालले प्रधानमन्त्रीहरुसँग देश विकासको खाकै नरहेको बताए । अघिल्लो बैठकमा प्रधानमन्त्रीले हामीसँग बैठक बोलाएर भन्नुभयो, ‘अर्थतन्त्र मैले यस्तो बनाएको होइन, म त एक वर्ष मात्रै भयो, देशको अर्थतन्त्र ध्वस्त भयो ।’
‘अघिल्लो सरकारहरुले ध्वस्त भएको भए आफूले सम्हाल्ने हो नभए राजीनामा दिएर घर बसे भइहाल्यो नि !’ सुवालले भने । सांसद सुवालले मेलम्चीको पानी बारम्बार उद्घाटन गर्ने काम लज्जाजनक रहेको बताएका छन्।
Leave a Reply