काठमाडौं । आईसीसी यू-१९ विश्वकप अन्तर्गत न्युजिल्यान्डविरुद्ध नेपालले सातौं विकेट गुमाएको छ ।

न्युजिल्यान्डले दिएको ३ सय ३ रनको विशाल लक्ष्य पछ्याएको नेपालले ३५ ओभरको खेल जारी रहँदा ७ विकेटको क्षतिमा १६५ रन बनाएर खेलिरहेको छ।

अहिले क्रिजमा अर्जुन कुमाल ८६ र सुवास भण्डारी ४ रनमा नटआउट छन् ।

त्यसअघि इष्ट लन्डनको बुफेलो पार्कमा न्युजिल्यान्डले टस जितेर ब्याटिङ गरेको न्युजिल्यान्डले निर्धारित ५० ओभरमा ८ विकेटको क्षतिमा ३ सय २ रनको योगफल तयार पारेको थियो।