काठमाडौं । आईसीसी यू–१९ विश्वकपको सुपर सिक्सको आफ्नो अन्तिम खेलमा नेपाल भारतसँग पराजित भएको छ । शुक्रबार दक्षिण अफ्रिकाको मनगंग ओभलमा भएको खेलमा नेपाल भारतसँग १३२ रनले पराजित भएको हो ।
योसँगै नेपालको विश्वकप यात्रा समाप्त भएको छ । नेपालका लागि कप्तान देव खनालले सर्वाधिक ३३ रन बनाए । त्यस्तै ओपनर दीपक बोहोराले २२ र अर्जुन कुमालले २६ रन बनाए।
त्यस्तै विशाल विक्रम केसी र गुल्शन झा एक(एक रन बनाउँदा दीपक डुम्रे र दीपेश कँडेल शून्यमै पेभेलियन फर्किएका थिए। त्यस्तै सुवास भण्डारी ५ रन बनाउँदा दुर्गेश गुप्ता २९ र आकाश चन्द १८ रनमा अविजित रहे। भारतका लागि साउमी पाण्डेले ४ विकेट लिए।
यसअघि टस जितेर ब्याटिङ गरेको भारतले निर्धारित ओभरको खेलमा ५ विकेट गुमाएर २९७ रन बनाएको थियो। भारतका लागि कप्तान उदय सहरन र सचिन धासले शतकीय इनिङ खेलेका थिए ।
फितलो फिल्डिङ गरेको नेपालका लागि गुल्शन झाले ३ विकेट लिए भने आकाश चन्दले एक विकेट लिए । यसअघि सुपर सिक्सको पहिलो खेलमा बंगलादेशसँग नेपाल पाँच विकेटले पराजित भएको थियो ।
समूह चरणको खेलमा भने नेपाल न्युजिल्यान्डसँग ६४ रन र पाकिस्तानसँग पाँच विकेटले पराजित भएको थियो चने अफगानिस्तानविरुद्ध एक विकेटले विजयी भएको थियो ।
Leave a Reply