जनकपुरधाम । स्कूल बसको ठक्करबाट जनकपुरमा एक भारतीय नागरिकको मृत्यु भएको छ ।

मृत्यु हुनेमा भारतको मधुवनी घर भई हाल जनकपुरधाम उपमहानगरपालिका २३ बेला बस्दै आएका २७ वर्षीय ममताज कवारी रहेका छन् ।

बेलामा बा. २ प ७६० नम्बरको श्रीराम स्कूल बसले साइकलमा सवार उनलाई ठक्कर दिएको थियो ।

ठक्करपछि गम्भीर घाइते उनलाई प्रादेशिक अस्पताल जनकपुरधाममा उपचारका लागि लगिएकामा चिकित्सकले मृत घोषणा गरेको जिल्ला प्रहरी कार्यालय धनुषाले जनाएको छ ।

स्कूल बस र चालकलाई नियन्त्रणमा लिएर थप अनुसन्धान गरिरहेको प्रहरीले जनाएको छ ।