काठमाडौं । प्रधानमन्त्री पुष्पकमल दाहाल ‘प्रचण्ड’ सँग क्रिकेट काउन्सिल (आइसीसी)का अध्यक्ष जर्ज बार्कले शिष्टाचार भेट गरेका छन्।

प्रधानमन्त्री निवास बालुवाटारमा दाहाल र बार्कलीबीच बुधबार भएको भेटमा नेपालको क्रिकेट विकासका विविध विषयमा छलफल भएको हो ।

भेटमा प्रधानमन्त्रीले आईसीसीका अध्यक्षको नेपाल भ्रमणले नेपाली क्रिकेटले प्राथमिकता र महत्त्व पाएको बताएका थिए ।

अध्यक्ष बार्कलीले नेपालको क्रिकेट क्षेत्रको विकासका लागि आइसीसीले सहयोग गर्ने बताएका थिए।

भेटमा नेपाल सरकारका मुख्य सचिव बैकुण्ठ अर्याल र नेपाल क्रिकेट संघका पदाधिकारीको सहभागिता रहेको थियो ।