बागलुङ । बागलुङमा श्रीमानले खुकुरी प्रहार गरेर श्रीमतीलाई घाइते बनाएका छन्।

बागलुङ नगरपालिका–२ का ३५ वर्षीय अर्जुनबहादुर सार्कीले ३२ वर्षीया श्रीमती गीता आलेलाई बुधबार राति खुकुरी प्रहार गरेका हुन् ।

घाइते आलेको धौलागिरी अस्पताल बागलुङमा प्रथामिक उपचारपछि थप उपचारको लागि पोखरा रिफर गरिएको जिल्ला प्रहरी कार्यालय बागलुङले जनाएको छ ।

घरायसी विवादको कारण सार्कीले श्रीमतीलाई खुकुरी प्रहार गरी घाइते बनाएको प्रहरीले जनाएको छ ।

आर्जुनलाई प्रहरीले बुधबार राति नै पक्राउ गरेको छ । उनीमाथि थप अनुसन्धान भइरहेको प्रहरीले जनाएको छ।