गृहमन्त्रीसँग शिक्षामन्त्रीको माग - त्रिविमा सुरक्षा प्रबन्ध मिलाउनू, पदाधिकारी र प्राध्यापकलाई धम्की आयो

अनलाइन नेपाल

बुधवार , भाद्र ५, २०८१

गृहमन्त्रीसँग शिक्षामन्त्रीको माग - त्रिविमा सुरक्षा प्रबन्ध मिलाउनू, पदाधिकारी र प्राध्यापकलाई धम्की आयो

काठमाडौँ । शिक्षामन्त्री विद्या भट्टराईले त्रिभुवन विश्वविद्यालयमा सुरक्षा प्रबन्ध मिलाउन गृहमन्त्रीसँग माग गरेकी छिन् । विश्वविद्यालयका पदाधिकारीहरूमाथि हमलाको प्रयास र प्राध्यापकहरूलाई धम्की आएको भन्दै शिक्षामन्त्री भट्टराईले सामाजिक सञ्जाल एक्समार्फत गृहमन्त्री रमेश लेखकसँग सुरक्षाको माग गरेकी हुन् । शिक्षामन्त्री भट्टराईले सामाजिक सञ्जाल एक्समा लेखेकी छिन्, 'त्रिभुवन विश्वविद्यालयमा केही दिनदेखि पदाधिकारीहरूमाथि हमला गर्न खोज्नु र प्राध्यापकहरूलाई फोन गर्दै धम्की दिने गरेको कारण सिङ्गो विश्वविद्यालय असुरक्षित बनेको छ । त्रिभुवन विश्वविद्यालयमा सुरक्षाका लागि व्यवस्थित प्रबन्ध गर्न म गृहमन्त्रीसँग जोडदार माग गर्दछु ।' केही दिनयता त्रिभुवन विश्वविद्यालय समाजशास्त्र केन्द्रीय विभाग प्रमुख नियुक्ति विवादमा पदाधिकारीहरूलाई नै धम्की आएको बताइएको छ । शुक्रबार शिक्षामन्त्रीलाई पत्राचार गर्दै विश्वविद्यालयले आवश्यक सुरक्षाको प्रबन्ध मिलाइदिनसमेत आग्रह गरेको थियो ।

त्रिभुवन विश्वविद्यालयमा केहि दिन देखि पदाधिकारीहरु माथि हमला गर्न खोज्नु र प्राध्यापकहरु लाइ फोन गर्दै धम्कि दिने गरेको कारण सिङ्गो विश्वविद्यालय असुरक्षित बनेको छ । त्रिभुवन विश्वविद्यालयमा सुरक्षाका लागि ब्यबस्थित प्रबन्ध गर्न म गृहमन्त्री सङ्ग जोडदार माग गर्दछु ।
— Bidya Bhattarai (@Bidyabhattarai) August 21, 2024

प्रतिक्रिया दिनुहोस्

नयाँ अपडेट

काठमाडौं महानगरले ल्यायो २५ अर्ब ८८ करोड बजेट
५ घण्टा अघि

01
02

चौरपाटी गाउँपालिकाले खरिद गरेको ५२ लाखको औषधि नियमविपरीत
५ घण्टा अघि
03

युक्रेनद्वारा रुसमा युद्ध सुरु भएयताकै ठुलो आक्रमण
६ घण्टा अघि
04

गृहमन्त्री गुरुङ भन्छन् - निर्मला पन्त हत्या प्रकरणमा संवेदनशील छु, अनुसन्धान जारी छ
६ घण्टा अघि

थप नयाँ अपडेट

गृहमन्त्रीसँग शिक्षामन्त्रीको माग - त्रिविमा सुरक्षा प्रबन्ध मिलाउनू, पदाधिकारी र प्राध्यापकलाई धम्की आयो