२४ घण्टापछि एकातर्फी खुल्यो पृथ्वी राजमार्ग

अनलाइन नेपाल

बिहिवार , भाद्र ६, २०८१

तनहुँ । तनहुँमा खसेको पहिरोका कारण अवरुद्ध बनेको पृथ्वी राजमार्ग २४ घण्टापछि एकतर्फी खुलेको छ ।

तनहुँको घाँसीकुवास्थित राजमार्गमा खसेको ठूलो पहिरोको केही भाग हटाएर बिहीवार साँझ ६ बजेदेखि एकतर्फी सडक खुलाइएको हो ।

तनहुँ प्रहरीका अनुसार यही भदौ ४ गतेदेखिको अविरल वर्षाका कारण पृथ्वी राजमार्गको घाँसीकुवामा बुधवार पहिरो खसेको थियो ।

प्रशासन र सुरक्षाकर्मीसहितको टोलीले पहिरो हटाउने काम जारी राखेका थिए । २४ घण्टामा एकतर्फी सडक खुलाउन सफल भएका हुन् ।

राजमार्ग दुईतर्फी खुलाउन तीन–चारवटा डोजर र टिपर प्रयोग गरेर पहिरो पन्छाउने क्रम जारी रहेको प्रहरीको भनाइ छ ।

प्रतिक्रिया दिनुहोस्

नयाँ अपडेट

थप नयाँ अपडेट

तुइनखोला पहिरो पन्छिएपछि नारायणगढ–मुग्लिन सडक दुईतर्फी सञ्चालनमा