निगमका तीनवटा जहाज 'ग्राउन्डेड', एकैदिन गुम्यो एक करोड रुपैयाँ !

अनलाइन नेपाल

बुधवार , भाद्र १२, २०८१

काठमाडौं । नेपाल वायु सेवा निगम (नेपाल एअरलाइन्स) का तीन वटा जहाज ग्राउन्डेड छन् । जस कारण दुई दिनदेखि अन्तर्राष्ट्रिय उडान प्रभावित बनेका हुन् ।

निगमसँग भएका चारमध्ये तीन वटा जहाज ग्राउन्डेड हुँदा काठमाडौं, हङकङ, दोहा र दुबईमा झन्डै आठ सय जना यात्रु प्रभावित भएका छन् ।

निगमको न्यारोबडी जहाजमा हाइड्रोलिकमा आएको समस्याका कारण सबै उडान रद्द हुँदा यात्रु प्रभावित बन्न पुगेका हुन् ।

उडान रद्द हुँदा अन्तर्राष्ट्रिय मापदण्डअनुसार यात्रुको व्यवस्थापन र टिकटमा हिजोको उडानबाट मात्रै निगमले एक करोड रुपैयाँ गुमेको निगमले जनाएको छ ।

चाडपर्वकै बेलामा निगमका जहाज ग्राउन्डेड हुँदा टिकट नपाउने तथा हवाई भाडामा मनपरी हुने जोखिमसमेत बढेको छ ।

प्रतिक्रिया दिनुहोस्

नयाँ अपडेट

थप नयाँ अपडेट

तुइनखोला पहिरो पन्छिएपछि नारायणगढ–मुग्लिन सडक दुईतर्फी सञ्चालनमा