Jun 21 2026 | २०८३, आषाढ ७ गते
21 Jun 2026 | आइतवार, आषाढ ७ गते २०८३
आइतवार, आषाढ ७ गते २०८३
Jun 21 2026 | २०८३, आषाढ ७ गते
21 Jun 2026 | आइतवार, आषाढ ७ गते २०८३
आइतवार , भाद्र २३, २०८१
कैलाली । कैलालीमा दुईजना युवकमाथि धारिलो हतियार प्रहार भएको छ । धनगढी उपमहानगरपालिका वडा नम्बर २, रोड हाउस क्याफे नजिक पार्किङ गरिएको ट्याङ्करमा ढुङ्गासँगै चालक र सहचालकमाथि हमला भएको हो ।
गएराति करिब ११ः२० बजे दुई मोटरसाइकलमा आएका व्यक्तिहरुले धारिलो हतियार प्रयोग गर्दै ना ६ ख ९४०६ नम्बरका ट्याङ्कर चालक हरेन्द्र देउवा र सहचालक अनिल देउवामाथि आक्रमण गरेको जिल्ला प्रहरी कार्यालय कैलालीले जनाएको छ ।
हरेन्द्र देउवाको दाहिने हातको नाडी र बायाँ खुट्टामा चोट लागेको छ भने अनिल देउवाको बायाँ हात र नाडीमा चोट लागेको छ । उनीहरूको उपचार माया मेट्रो अस्पताल, धनगढीमा भइरहेको छ, र अवस्था सामान्य रहेको प्रहरीले जनाएको छ ।
घटनास्थलमा पार्किङ गरिएका ट्याङ्करहरूमा पनि ढुङ्गा प्रहार गरी सिसामा क्षति पुर्याइएको छ । प्रभावित ट्याङ्करहरूमा ना ८ ख १४२५, ना ४ ख ३९२०, ना ४ ख २९६५, र ना ६ ख ९४०६ नम्बरका ट्याङ्करहरू रहेका छन् ।
घटनाबारे सूचना प्राप्त हुनासाथ त्रीनगर प्रहरी चौकीबाट प्रहरी निरीक्षक शैलेन्द्र बहादुर चन्दको कमाण्डमा पाँच जनाको प्रहरी टोली खटाइएको थियो ।
घटनामा संलग्न मोटरसाइकल र आक्रमणकारीहरू फरार रहेका छन् र प्रहरीले उनीहरूको खोजतलास जारी राखेको छ ।
© 2026 All right reserved to onlinenepal.com
Design & Developed By
