Jun 20 2026 | २०८३, आषाढ ६ गते
20 Jun 2026 | शनिवार, आषाढ ६ गते २०८३
शनिवार, आषाढ ६ गते २०८३
Jun 20 2026 | २०८३, आषाढ ६ गते
20 Jun 2026 | शनिवार, आषाढ ६ गते २०८३
आइतवार , आश्विन १३, २०८१
![यस्तो छ 'सिधाकुरा' बारे सर्वोच्चको फैसला [पूर्णपाठ]](https://media.sobizcdn.com/onlinenepal.com/media-file/images/2024/09/sidha2.jpg)
काठमाडौं । सर्वोच्च अदालतले सिधाकुरा डटकमले अदालतको मानहानी गरेको ठहर गर्दै सम्पादक, प्रकाशक र राजकुमार तिमल्सिनालाई कैद सजाय सुनाएको छ ।
आइतबार प्रधानन्यायाधीश विश्वम्भरप्रसाद श्रेष्ठ, न्यायाधीशहरु प्रकाशमान सिंह राउत, सपना प्रधान मल्ल, प्रकाशकुमार ढुंगाना, हरिप्रसाद फुयाल, नहकुल सुवेदी, विनोद शर्मा, महेश शर्मा पौडेल र बालकृष्ण ढकालको बृहत पूर्ण इजलासले प्रकाशक युवराज कँडेललाई र सम्पादक नवीन ढुंगानालाई तीनतीन महिनाको कैद सजाय सुनाएको हो ।
यस्तै राजकुमार तिमल्सिनालाई ६ महिना कैद सुनाइएको छ । सीधा कुरा डटकमले राजकुमार तिमल्सिनाले दिएको एक अडियो कुराकानीका आधारमा उक्त समाचार प्रकाशन गरेको थियो ।
कँडेल र ढुंगानाले लिखितरूपमा अदालतसमक्ष माफी मागे सात दिनमात्रै कैद बसे पुग्ने छ । यसैगरी, सिधा कुरा अनलाइनलाई पाँच हजार जरिवाना तोकिएको छ ।
अनलाइनले लिखितरूपमा माफी मागे जरिवाना पनि माफी हुने छ । बृहत पूर्ण इजलासले चार पटक निर्णय सुनाउने मिति सारेर आइतबार फैसला सुनाएको हो ।
सिधाकुराले ‘द डार्क फाइल’ नाम दिएर प्रसारण गरेका शृंखलाबद्ध सामग्रीले अदालतको अवहेलना गरेको दाबी गरी सर्वोच्च अदालत प्रशासनले प्रतिवेदन उठाएर अदालतको अवहेलना मुद्दा दायर गरेको थियो।
© 2026 All right reserved to onlinenepal.com
Design & Developed By
