Jun 20 2026 | २०८३, आषाढ ६ गते
20 Jun 2026 | शनिवार, आषाढ ६ गते २०८३
शनिवार, आषाढ ६ गते २०८३
Jun 20 2026 | २०८३, आषाढ ६ गते
20 Jun 2026 | शनिवार, आषाढ ६ गते २०८३
सोमवार , कार्तिक २६, २०८१
अछाम । अछाम जिल्लाको तुर्माखाद गाउँपालिका-१ रहफस्थित प्रहरी चौकीका इन्चार्जलाई जिल्ला तानिएको छ । सो प्रहरी चौकीका प्रमुख तथा प्रहरी सहायक निरीक्षक (असई) महेश सिंह धामीलाई जिल्ला तानिएको हो ।
यही कार्तिक १४ गते राति मदिरा सेवन गरेर एक्लै गाउँ पुगेका असई धामीलाई देउसी भैलोको टिमले कुटपिट गरेको थियो । सो घटनामा असई धामीको कमजोरी देखिएपछि जिल्ला तानेर आवश्यक अनुसन्धान भइरहेको जिल्ला प्रहरी कार्यालय अछामका प्रमुख तथा प्रहरी नायव उपरीक्षक ईश्वरी प्रसाद भण्डारीले जानकारी दिए ।
उनले भने, 'प्रारम्भिक छानविनमा प्रहरी कर्मचारीको कमजोरी देखिएको छ । जिल्ला तानेर अनुसन्धान थालेका छौँ । कानुन वमोजिम कारबाही प्रक्रिया अघि बढ्छ ।'
साथै उनले कुटपिटमा संलग्नको पनि खोजी कार्य हुने जानकारी दिए । मदिरा सेवन गरेर एक्लै गाउँ पुगेका असई धामीले देउसी भैलो टोलीसँग विवाद गरेको बुझिएको छ । सोही क्रममा असईमाथि कुटपिट भएको प्रारम्भिक अनुसन्धानबाट खुलेको छ । कार्तिक १४ गतेको घटनालाई हालसम्म पनि गुपचुप राखिएको थियो ।
प्रहरी कर्मचारीकै गल्ती भएका कारण गुपचुप राखिएको बताइएको छ । उनको स्थानमा अब केही दिनमा नयाँ हाकिमलाई पठाइने डीएसपी भण्डारीले जानकारी दिए ।
© 2026 All right reserved to onlinenepal.com
Design & Developed By
