Jun 20 2026 | २०८३, आषाढ ६ गते
20 Jun 2026 | शनिवार, आषाढ ६ गते २०८३
शनिवार, आषाढ ६ गते २०८३
Jun 20 2026 | २०८३, आषाढ ६ गते
20 Jun 2026 | शनिवार, आषाढ ६ गते २०८३
शुक्रवार , मंसिर २१, २०८१
काठमाडौं । परराष्ट्रमन्त्री आरजु राणा देउवाले युरोपेली राष्ट्र नेदरल्यान्ड्स र जर्मनीको भ्रमण गर्ने भएकी छन् ।
परराष्ट्र मन्त्रालयले शुक्रबार विज्ञप्ति जारी गर्दै सो जानकारी गराएको हो । अनुसार उनी शनिबार त्यसतर्फ प्रस्थान गर्नेछिन् ।
परराष्ट्रमन्त्री राणाले पहिला नेदरल्यान्ड्स र त्यसपछि जर्मनीको भ्रमण गर्ने कार्यक्रम रहेको छ ।
नेदरल्यान्ड्समा उनी इन्टरनेसनल कोर्ट अफ जस्टीस (आईसीजे)मा उपस्थित भई जलवायु परिवर्तनका सम्बन्धमा नेपालको अडान राख्नेछिन् । सोमबार उनी आईसीजेमा उपस्थित भई नेपालको अडान राख्नेछिन् ।
जलवायु परिवर्तनको सम्बन्धमा नेदरल्यान्ड्सको हेगमा रहेको अन्तर्राष्ट्रिय अदालतमा डिसेम्बर २ देखि १२ सम्म सार्वजनिक सुनुवाइ चलिरहेको छ । परराष्ट्रमन्त्री राणा यसैमा सहभागी हुन नेदरल्यान्ड्स जान लागेकी हुन् ।
आईसीजेमा हुने सुनुवाइमा सहभागी भएपछि परराष्ट्रमन्त्री राणा जर्मनी जाने कार्यक्रम छ । समान अधिकारसम्बन्धी एक कार्यक्रममा सहभागी हुन उनी जर्मनी जान लागेकी हुन् । कार्यक्रम डिसेम्बर १७ देखि १८ सम्म बर्लिनमा हुनेछ ।
जर्मनीका विदेशमन्त्रीको निमन्त्रणामा उनी उक्त कार्यक्रममा सहभागी हुन जान लागेको परराष्ट्र मन्त्रालयले जनाएको छ । परराष्ट्रमन्त्री राणाको पुस ५ गते स्वदेश फर्किने कार्यतालिका छ ।
© 2026 All right reserved to onlinenepal.com
Design & Developed By
