प्रधानमन्त्री ओलीले पुनः भने - १८ महिनापछि देउवालाई सरकारको नेतृत्व हस्तान्तरण गर्छु

अनलाइन नेपाल

सोमवार , मंसिर २४, २०८१

झापा । प्रधानमन्त्री केपी शर्मा ओलीले सहमतिअनुसार नै कांग्रेस सभापति शेरबहादुर देउवालाई सत्ताको नेतृत्व सुम्पिने बताएका छन्।

झापाको गौरादह नगरपालिका ४ र ५ अन्तर्गतको जग्गाधनी दर्ता प्रमाणपूर्जा वितरण सुरु गर्दै प्रधानमन्त्री ओलीले पुन: सोही कुरा दोहोर्‍याएका हुन्।

प्रधानमन्त्री ओलीले पुन: १८ महिनापछि कांग्रेस सभापति देउवालाई सत्ता हस्तान्तरण गर्ने बताए।

चीन भ्रमणबाट फर्किएका बेला विमानस्थलमै प्रधानमन्त्री ओलीले गत बिहीबार डेढ वर्षपछि देउवा प्रधानमन्त्री बन्ने बताएका थिए।

प्रधानमन्त्री ओलीले मुलुकमा अस्थिरता मच्चाउने र देशको समस्या समाधान भएको देख्न नसक्नेहरूले सरकार ढल्न लाग्यो भनेर हल्ला फैलाएको बताए।

उनले कांग्रेस र एमालेबीचको सहमतिअनुसार अबको १८ महिनापछि कांग्रेस सभापति देउवालाई सत्ता हस्तान्तरण गर्ने प्रतिबद्धता दोहोर्‍याए ।

प्रतिक्रिया दिनुहोस्

नयाँ अपडेट

थप नयाँ अपडेट

सीडीओहरूलाई गृह मन्त्रालयको निर्देशन - गुनासो सुनुवाइ संयन्त्र तुरुन्त स्थापना गर्नू