मोरङ । प्रहरीको जिपलाई ठक्कर दिएर भागेको जिपबाट १५५ किलो गाँजा बरामद भएको छ ।
मोरङ प्रहरीका अनुसार स्कार्पियो जिपमा रहेको गाँजासहित मोरङ प्रहरीले दुईजनालाई पक्राउ गरेको हो ।
को१च ९५८२ नम्बरको जिप मंगलबार राति चेकजाँचका लागि रोक्न खोज्दा प्रहरीको गाडीलाई ठक्कर दिएर भागेको थियो ।
गाडीलाई पिछा गरेर जिल्ला प्रहरी मोरङ र इलाका प्रहरी कार्यालय रानीसहितको टोलीले राति नै जहदा गाउँपालिका–१ धुनी टोलबाट नियन्त्रणमा लिएको थियो ।
पक्राउ पर्नेहरूमा धरान उपमहानगरपालिका–१२ का चालक २४ वर्षीय राहुल विश्वकर्मा, धनकुटा सहिदभूमि गाउँपालिका–६ का १९ वर्षीय सुरज राई रहेका छन् । उनीहरुमाथि प्रहरीले अनुसन्धान गरिरहेको छ ।