काठमाडौं । नेकपा एमालेले वामदेव गौतम नेतृत्वको एकता अभियानसँग सहकार्य गर्ने निर्णय गरेको छ ।
मंगलबार बसेको सचिवालय बैठकले उपयुक्त समयमा वामदेवलाई पार्टीमा भित्र्याउने निर्णय गरेको हो ।
कुन जिम्मेवारी दिने भन्ने विषयमा छलफल भइरहेको प्रचार विभाग प्रमुख राजेन्द्र गौतमले जानकारी दिए ।
वामदेव र उनको टीम व्यवस्थापनलाई आपसी छलफलबाट टुंग्याइने बताइएको छ । यसअघि नै गौतमले आफू एमालेमा प्रवेश गर्ने निष्कर्ष निकालेका थिए ।