काठमाडौं । भारतको महाराष्ट्रस्थित जलगाउँमा भएको रेल दुर्घटना तीन नेपालीको पनि मृत्यु भएको छ ।
लखनऊबाट मुम्बई जाँदै गरेको रेल जलगाउँको रेलवे ट्र्याकमा हिजो दुर्घटनामा परेको थियो । सो दुर्घटनामा तीन नेपालीसहित ११ जनाको मृत्यु भएको हो । दुर्घटनामा ४० जनाभन्दा धेरै घाइते भएका छन् ।
दुर्घटनामा ज्यान गुमाउनेमध्ये सात जनाको मात्रै पहिचान भएको छ । जसमा तीन नेपाली छन् ।
दैनिक भास्करको रिपोर्टअनुसार ज्यान गुमाउनेमा ११ वर्षीय नन्दराम विश्वकर्मा, २३ वर्षीय लच्छी राम पासी र ४३ वर्षीया कमला भण्डारी रहेका छन् ।
बाँकी चार जना भारतीय हुन् । अरू मृतकको सनाखत हुन सकेको छैन ।