काठमाडौं । कोसी प्रदेशका पूर्वमुख्यमन्त्री उद्धव थापामाथि हातपात गर्ने दुवैजना छुटेका छन् ।
गत शनिबार झापाको सुरुङ्गामा गाडी ओभरटेक गर्ने विषयमा विवाद हुँदा नेपाली कांग्रेस संसदीय दलका नेता समेत रहेका थापामाथि हातपात गर्ने नेपाल विद्युत् प्राधिकरणका सवारी चालक र सहयोगी धरौटीमा छुटेका हुन् ।
उनीहरु जनही २ हजार ५ सय रुपैयाँ धरौटीमा रिहा भएको जिल्ला प्रहरी कार्यालय झापाले जनाएको छ ।
शिवसताक्षी नगरपालिका ११ का ४९ वर्षीय भक्तबहादुर कटुवाल र कनकाई नगरपालिका ३ का ४२ वर्षीय पृथ्वी श्रेष्ठलाई पक्राउ गरी जिल्ला प्रशासन कार्यालयबाट अभद्र व्यवहारमा मुद्दा चलाइएको थियो ।