काठमाडौं । रियल मड्रिड स्पेनिस ला लिगामा हारबाट जोगिएको छ ।
शनिबार राति मड्रिड डर्वीमा भएको खेलमा केलियन एमबाप्पेको निर्णायक गोलमा रियलले हारबाट जोगिएको हो ।
रियलले एथलेटिको मड्रिडसँग १–१ को बराबरी गर्दै अंक खोस्यो । खेलको ३५ औँ मिनेटमा जुलियन अल्भारेजको पेनाल्टी गोलमा एथलेटिकोले सुरुवाती अग्रता बनाएको थियो ।
खेलको ५० औँ मिनेटमा केलियन एमबाप्पेको गोलमा रियल खेलमा फर्किएको थियो।
त्यसपछि खेलमा थप गोल हुन नसक्दा दुबै टोलीले एक एक अंक बाँडे । लिगको रियल ५० अंकसहित शीर्ष स्थानमा छ । एथलेटिको ४९ अंकमा दोस्रो स्थानमा छ।