Jun 27 2026 | २०८३, आषाढ १३ गते
27 Jun 2026 | शनिवार, आषाढ १३ गते २०८३
शनिवार, आषाढ १३ गते २०८३
Jun 27 2026 | २०८३, आषाढ १३ गते
27 Jun 2026 | शनिवार, आषाढ १३ गते २०८३
आइतवार , चैत्र २३, २०८१
काठमाडौं । जनमत र नागरिक उन्मुक्ति पार्टी(नाउपा) एकीकरणमा सहमति जुटाउन बर्दियामा बैठक बसिरहेको छ ।
आइतबार जारी बैठकले एकताको सहमति गर्ने दुबै दलका नेताहरुले जानकारी गराएका छन् ।
नाउपाले तय गरेको स्थानमा बैठक बस्ने गरी जनमतका नेताहरु बर्दिया पुगेका हुन् ।
दुई दलका कार्यदलले बनाएको खाकाको आधारमा जनमतका अध्यक्ष डा. सीके राउत, नाउपाका संरक्षक रेशम चौधरीले एकताको टुंगो लगाउने भएका हुन् ।
कार्यदलको बैठक जारी रहेको जनमतका प्रवक्ता एवं कार्यदलका सदस्य डा. शरदसिंह यादवले जानकारी गराएका छन् ।
एकतापछिको पार्टी अध्यक्ष डा. राउत, सहअध्यक्ष रञ्जिता श्रेष्ठ र संरक्षक रेशम चौधरी हुनेगरी एउटा विकल्पमा छलफल भएको बताइएको छ । साथै, दुई अध्यक्ष प्रणाली रहने गरी पनि विकल्पमा छलफल भएको दुबै दलका नेताहरुले जानकारी गराएका छन् ।
दुई अध्यक्ष प्रणालीमा पहिलो बरियतामा कार्यकारी अधिकार सहित राउत हुने र दोस्रो वरियतामा श्रेष्ठ हुने गरी छलफल भएको छ । श्रेष्ठ हाल नाउपा अध्यक्ष छिन् भने चौधरी उक्त दलको संरक्षक छन् ।
एकीकृत पार्टीको नाम ‘नागरिक जनमत पार्टी’ राख्ने र चुनाव चिह्न ‘ढकिया’ राख्नेगरी नेताहरु सहमतिउन्मुख छन् ।
पार्टि एकताका लागि जनमतबाट अब्दुल खान, शरदसिंह यादव र बालगोविन्द चौधरी रहेको कार्यदल बनाइएको छ भने नाउपाले गंगाराम चौधरी, सुनिता चौधरी र रामलाल डंगौरा रहेको कार्यदल गठन गरेको छ ।
कार्यदलको आज बसिरहेको बैठक दोस्रोपटक हो ।
जनमतका अध्यक्ष राउत र नाउपा संरक्षक चौधरीले सहमतिका अधिकांश विषय टुंगो लगाइसकेको नेताहरुको दाबी छ ।
© 2026 All right reserved to onlinenepal.com
Design & Developed By
