Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
मंगलवार , चैत्र २५, २०८१
काठमाडौं । हङकङको काउलुन स्टुडियोमा सम्पन्न ६८औँ खेलकुद च्याम्पियनसिप महोत्सवमा फरेनर्स हङकङ तेक्वान्दो एसोसिएसन (एफएचकेटीए)ले प्रभावशाली प्रदर्शन गर्दै १४ पदक जितेको छ ।
स्पाइरिङ, स्पिड किक र प्याटन विधामा आयोजित यस प्रतियोगितामा एफएचकेटीएले पाँच स्वर्ण, पाँच रजत र चार कांस्य पदक हात पार्न सफल भएको हो ।
हङकङ र चीनका गरी करिब १५ वटा संस्थाको सहभागिता रहेको प्रतियोगितामा झन्डै ४ सय खेलाडीहरूले प्रतिस्पर्धा गरेका थिए ।
एफएचकेटीएका संयोजक चेतन गुरुङका अनुसार, संस्थाबाट १२ जना खेलाडीले सहभागिता जनाएका थिए । सन् २००८ मा आठ जना नेपाली प्रशिक्षकको पहलमा स्थापना भएको एफएचकेटीए नाफा कमाउने उद्देश्यले नभई सामाजिक उत्तरदायित्व वहन गर्ने लक्ष्यसहित अघि बढेको संस्था हो ।
गुरुङका अनुसार, यही कारण एफएचकेटीएलाई क्लबको रूपमा नभई संस्थाको रूपमा दर्ता गरिएको हो। प्रतियोगितामा माध्यमिक तहका विद्यार्थीहरूको सहभागीता उल्लेख्य रहेको थियो ।
त्यसमध्ये संयोजक गुरुङका छोरा नोएल गुरुङले स्पाइरिङ र स्पिड किक दुवै विधामा उत्कृष्ट प्रदर्शन गर्दै दुईवटा स्वर्ण पदक जित्न सफल भएका छन् ।
नोएलले यसअघि पनि अन्तर्राष्ट्रिय प्रतियोगिताहरूमा पदक जितिसकेका छन्। उनले अघिल्लो वर्ष मकाउमा सम्पन्न अन्तर्राष्ट्रिय प्रतियोगितामा रजत पदक तथा त्यसअघिको वर्ष एसिएन गेममा कांस्य पदक जितेका थिए ।
एफएचकेटीएले हरेक वर्ष यस स्थानीय च्याम्पियनसिपमा नियमित रूपमा सहभागी हुँदै आएको छ ।
© 2026 All right reserved to onlinenepal.com
Design & Developed By
