काठमाडौं । हङकङमा जारी चारदेशीय टी–२० अन्तर्राष्ट्रिय शृङ्खलामा कतारले नेपाललाई मध्यम लक्ष्य प्रस्तुत गरेको छ ।
टस हारेर पहिले ब्याटिङको निम्तो पाएको कतारले २० ओभरमा ५ विकेट गुमाएर १५१ रन बनाएको हो ।
कप्तान इक्रमुल्लाह खानले अर्धशतक बनाए । ५४ बलमा ५४ रन बनाएका उनले ५ चौका र २ छक्का प्रहार गरे । शाहजैब जमिलले ३१ तथा मुजीब उर रेहमानले अविजित २० र मुहम्मद इर्शादले अविजित १८ रन बनाएर फिनिस गरे ।
नेपालका लागि करण केसी, सोमपाल कामि, नन्दन यादव, गुल्शन झा र ललित राजवंशीले १-१ विकेट हात पारे ।
यस प्रतियोगितामा हङकङ, नेपाल, कतार र कुवेत सहभागी छन् । सिरिजमा प्रत्येक टोलीले प्रत्येकसँग खेल्नेछ । शीर्ष दुईमा रहने टोलीले फाइनल खेल्नेछन् ।