काठमाडौं । चारदेशीय टी-२० अन्तर्राष्ट्रिय सिरिज अन्तर्गत दोस्रो खेलमा नेपालले टस जितेर बलिङ गर्दैछ ।
हङकङको मङकङस्थित मिसन रोड ग्राउन्डमा नेपालका कप्तान रोहित पौडेलले कुवेतविरुद्ध टस जितेर बलिङ गर्ने निर्णय लिएका हुन् ।
यो चारदेशीय टी–२० आई सिरिजको तेस्रो खेल हो । पहिलो खेलमा बुधबार नेपालले कतारलाई आठ विकेटले पराजित गरेको थियो । बुधबार कतारले जितका लागि दिएको १५२ रनको लक्ष्य नेपालले १७ ओभरमा दुई विकेट गुमाउँदै पूरा गरेको थियो ।
यस्तै, सिरिजको दोस्रो खेलमा बुधबार नै कुवेतले घरेलु टोली हङकङलाई चार विकेटले हराएको छ । आजको खेलमा दुवै टोली दोस्रो जितको खोजीमा हुनेछन् ।