हङकङसँगको खेल रद्द हुँदा नेपाल फाइनलमा

अनलाइन नेपाल

शनिवार , चैत्र २९, २०८१

काठमाडौं । नेपाल हङकङमा जारी चार देशीय टी-२०आई क्रिकेट प्रतियोगिताको फाइनलमा पुगेको छ ।

शनिबार नेपाल र हङकङबीचको खेल वर्षाले रद्द भएपछि दुवै टोलीले अंक बाँडेसँगै नेपाल फाइनलमा पुगेको हो ।

फाइनल नेपाल र कुवेतले खेल्ने भएका छन्। ३ खेलमा २ जित र १ खेल नतिजाविहीन भएपछि नेपालको ५ अंक भयो ।

एक खेल मात्र जितेको हङकङको ३ अंक मात्र भयो । नेपाल समूहमा पहिलो हुँदै फाइनल खेल्ने पक्का भएको हो।

यसअघि कुवेतले कतारलाई हराएर ४ अंक जोड्दै नेटरनरेट पनि बढाएपछि यो खेल निर्णायक बनेको थियो ।

खेलमा टस हारेर पहिले ब्याटिङ थालेको हङकङले ९ ओभरमा ३ विकेट गुमाएर ६८ रन बनाउँदा पानी पर्न थालेपछि खेल रोकिएको थियो ।

नेपालले पहिलो खेलमा कतारलाई हराएको थियो भने दोस्रो खेलमा कुवेतलाई हराएको थियो ।

प्रतिक्रिया दिनुहोस्

नयाँ अपडेट

थप नयाँ अपडेट

एसीसी महिला प्रिमियर कपमा आज नेपाल र हङकङ खेल्दै