काठमाडौं । धर्मशालामा जारी इण्डियन प्रिमियर लिगको खेल स्थगित गरिएको छ ।
पाकिस्तानको आक्रमणपछि पंजाब किंग्स र दिल्ली क्यापिटल्सबीच जारी खेल रोकिएको हो । मैदानका सबै फ्लड लाइटहरू बन्द गरिएका छन् भने दर्शकहरूलाई स्टेडियमबाट बाहिर निकालिएको छ ।
खेल रोकिनु अघि पंजाब किंग्सले १०.१ ओभरमा १ विकेट गुमाउँदै १२२ रन बनाइसकेको थियो।
अहिले पाकिस्तानले भारतमाथि जवाफी आक्रमण गरेको छ । पाकिस्तानले जम्मू लक्षित गरेर ड्रोन आक्रमण दाबी गरिएको छ । जम्मू विमानस्थलमा विस्फोट भएको बताइएको छ ।