अछाम । नेकपा (माओवादी केन्द्र) का अध्यक्ष पुष्पकमल दाहाल 'प्रचण्ड'ले एमालेबाट भीम रावललाई माओवादीसँग सहकार्यमा आउन अनुरोध गरेका छन् ।
शनिवार रावलको गृह जिल्ला अछाम पुगेर दाहालले यस्तो अनुरोध गरेका हुन् । उनले रावललाई फोन गरेरै सहकार्यको प्रस्ताव राखेको बताए ।
‘कार्यक्रममा आउँदै गर्दा बाटोमै भीम रावलको सम्पर्क कार्यालय देखेँ । उहाँसँग हिजो मात्र फोनमा कुरा भएको थियो। उहाँले कार्यक्रम सफलताको शुभकामना दिनुभयो,’ उनले भने ।
आफूले रावललाई ‘किन भौँतारिई रहनुभएको छ?’ भनेर प्रश्न गरेको पनि दाहालले बताए। उनले भने, ‘मैले तपाई किन अरू ठाउँ भौँतारिई रहनुभएको छ। आउनुस् हामी बसेर कुरा गरौँ, सहकार्य गरौँ भने।’