Jun 25 2026 | २०८३, आषाढ ११ गते
25 Jun 2026 | बिहिवार, आषाढ ११ गते २०८३
बिहिवार, आषाढ ११ गते २०८३
Jun 25 2026 | २०८३, आषाढ ११ गते
25 Jun 2026 | बिहिवार, आषाढ ११ गते २०८३
बुधवार , जेठ १५, २०८२
काठमाडौं । भिजिट भिसा प्रकरणमा नाम जोडिएसँगै सडकदेखि सदनसम्म गृहमन्त्री रमेश लेखकको राजीनामा माग गरिएको छ ।
गृहमन्त्री रमेश लेखकको राजीनामा तथा भिजिट भिसा प्रकरणको छानबिनका लागि उच्चस्तरीय छानबिन समिति गठनको माग राख्दै विपक्षी दलले मंगलबारदेखि सदन अवरोध गर्दै आएका छन् ।
गृहमन्त्री लेखकले राजीनामा नदिएसम्म सदन चलाउन नदिने अडानमा प्रतीपक्ष दल छन् ।
तर, सत्ता पक्ष दल नेपाली कांग्रेस र नेकपा एमालेले भने गृहमन्त्री लेखकको बचाउ गर्दै राजीनामा दिनु नपर्ने र छानविन समीति पनि गठन गर्नु नपर्ने बताउँदै आएका छन् ।
आज बिहान ११ बजे बस्ने भनिएको प्रतिनिधिसभाको बैठक २ घण्टा ढिलो गरी सुरु भएको थियो । सत्तापक्ष दल नेपाली कांग्रेस र नेकपा एमालेले पेलेरै सदन चलाउन खोजेका थिए।
तर, बैठक सुरु भए लगत्तै विपक्षी दलका सांसदहरू उठेर अवरोध गरिरहे ।
विपक्षीको अवरोधका कारण सभामुखले आधा घण्टाका लागि बैठक स्थगित गरेसँगै विपक्षीलाई पेलेरै जाने कांग्रेस एमालेको दाउमा तुषारापात लागेको छ ।
स्थगित गरेको दुई घण्टा वित्न लाग्दा समेत बैठक सुरु हुन सकेको छैन । हिजो पनि आधा घण्टाका लागि भनेर स्थिगित गरिएको बैठक चल्न सकेन ।
यता, आज विहान प्रधानमन्त्री केपी शर्मा ओलीले प्रमुख प्रतिपक्ष दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’लाई फोन गरेर सदनको अवरोध खुलाउन अनुरोध गरेका थिए ।
तर, प्रचण्डले भने गृहमन्त्रीलाई राजीनामा दिन लगाई संसदमा जानकारी गराएपछि मात्रै अवरोध खुल्ने बताएका थिए ।
गृह र स्वास्थ्यमन्त्री बोकेर बालुवाटार पुगेका नेपाली कांग्रेसका सभापति शेरबहादुर देउवा र प्रधानमन्त्री ओलीबीच अवरोध भएको सदन कसरी चलाउने भन्नेबारे छलफल भएको थियो ।
© 2026 All right reserved to onlinenepal.com
Design & Developed By
