एजेन्सी । मुम्बई विमानस्थलबाट ४७ वटा विषालु सर्प भएको झोलासहित एक भारतीय नागरिक पक्राउ परेका छन् ।
विषालु सर्पलगायत दर्जनौं दुर्लभ सरिसृप देशभित्र तस्करी गरेर ल्याउन लागेको अभियोगमा भारतीय अधिकारीहरूले एक पुरुषलाई पक्राउ गरेका हुन् ।
थाइल्यान्डबाट फर्कँदै गरेका ती भारतीय नागरिकको लगेजमा ४७ विषालु सर्पसहितका जन्तु फेला परेको हो ।
भारतका वन्यजन्तु संरक्षणसम्बन्धी विभिन्न कानूनअन्तर्गत ती जीवलाई सरकारले नियन्त्रणमा लिएको खबरमा उल्लेख छ । पक्राउ परेका पुरुषको परिचय खुलाइएको छैन ।