काठमाडौं । अमेरिकामा आप्रवासन छापा मार्ने विषयमा हिंसात्मक प्रदर्शन भएपछि थप १० अमेरिकी सहर र राज्यहरूमा विरोध प्रदर्शन सुरु भएको छ। योसँगै अमेरिकामा लस एन्जलससहित ११ सहरमा विरोध प्रदर्शन सुरु भएका हुन् ।
राष्ट्रपति डोनाल्ड ट्रम्प प्रशासनले लस एन्जलसमा स्थिति नियन्त्रण गर्न राष्ट्रिय गार्ड र अमेरिकी मरीन तैनाथ गर्ने आदेश दिएको छ। तर क्यालिफोर्नियाका गभर्नरले यस सम्बन्धमा मुद्दा दायर गरेका छन् ।
ल्याटिनो जनसंख्या बढी भएको क्षेत्रबाट अध्यागमन अधिकारीले छापा मारेर ठुलो संख्यामा अवैध आप्रवासीलाई पक्राउ गरेपछि विरोध प्रदर्शन सुरु भएको हो ।
अमेरिकाको दोस्रो ठुलो सहर लस एन्जलसका प्रभावित क्षेत्रहरूमा धेरै सवारी साधनहरूमा आगजनी गरिएको बताइएको छ ।