इरानमा इजरायली आक्रमणबारे हामीलाई पहिले नै थाहा थियो : अमेरिका

अनलाइन नेपाल

शनिवार , जेठ ३२, २०८२

एजेन्सी । अमेरिकाले इरानमाथि इजरायलले गरेको आक्रमणबारे आफूलाई पूर्वजानकारी रहेको प्रतिक्रिया दिएको छ ।

संयुक्त राष्ट्रसंघको सुरक्षा परिषद्‌को बैठकमा अमेरिकी प्रतिनिधि म्याकोई पिटले आक्रमणपूर्व इजरायलले अमेरिकालाई जानकारी गराएको बताएका हुन् ।

इजरायलले आत्मरक्षाका लागि आक्रमण आवश्यक रहेको बताएको अमेरिकाले भनेको छ ।

“यी आक्रमणबारे अमेरिका पहिले नै जानकार थियो । तर, अमेरिकाले उक्त आक्रमणमा कुनै पनि प्रकारको सैन्य सहयोग गरेको छैन,” पिटले भने ।

यसैबीच, अमेरिकी राष्ट्रपति डोनाल्ड ट्रम्पले इरानलाई परमाणु कार्यक्रमबारे नयाँ सम्झौता गर्न आग्रह गरेका छन् ।

प्रतिक्रिया दिनुहोस्

नयाँ अपडेट

थप नयाँ अपडेट

हिजबुल्लाहद्वारा इजरायल–लेबनान युद्धविराम अस्वीकार