एजेन्सी । इरानबाट भारतीय नागरिकहरूलाई बाहिर निकाल्न भारतले 'अपरेसन सिन्धु' सुरु गरेको छ ।
विदेश मन्त्रालयका प्रवक्ता रणधीर जयसवालले सामाजिक सञ्जाल प्लेटफर्म एक्समार्फत अपरेसन सिन्धुबारे जानकारी गराएका हुन् ।
उनले लेखे, 'जुन १७ मा, भारतले उत्तरी इरानबाट ११० जना विद्यार्थीहरूलाई उद्धार गर्यो, जो इरान र आर्मेनियामा रहेका भारतीय अधिकारीहरूको निरीक्षणमा आर्मेनिया आइपुगेका थिए ।'
रणधीर जयसवालले भने, 'यी विद्यार्थीहरू आर्मेनियाको राजधानी येरेवनबाट विशेष उडानबाट प्रस्थान गरेका छन् र जुन १९, २०२५ को बिहान नयाँ दिल्ली पुग्नेछन् ।'