काठमाडौं । चलचित्र विकास बोर्डले २५औं वार्षिकोत्सवको उपलक्ष्यमा ६० वर्ष यताको दौडमा सर्वाधिक कमाइ गर्ने २५ वटा चलचित्रको नाम सार्वजनिक गरेको छ ।

चलचित्र ‘आमा’बाट सुरु भएको नेपाली चलचित्रले ६ दशक लामो इतिहास बनाएको छ । बोर्डले उक्त समयमा सबैभन्दा बढी कमाई गर्ने चलचित्रको लिष्ट बनाएको हो ।

यद्यपी बोर्डले बनाएको सूची हालसम्म नेपाली चलचित्रले टिकट विक्रीमार्फत गरेको कमाइको आँकडा हो । चलचित्र विकास बोर्डमा रहेको अभिलेख अनुसार तयार भएको यो सूचीले चलचित्रको सफलता वा गुणस्तरलाई भने पूर्णत मापन नगर्ने बताइएको छ ।

चलचित्रको बजेट र समयले यसको कमाईको अंकलाई बढी अर्थपूर्ण बनाउने बोर्डकै सदस्यहरु बताउँछन् ।

बोर्डले बनाएको सूचीको अग्रपंक्तिमा छ, पूर्णबहादुरको सारङ्गी छ । जसले कूल ४६ करोड ८७ लाख ४१ हजार रुपैयाँ बढी आम्दानी गरेको उल्लेख छ ।

त्यसैगरी दोस्रोमा कवड्डी–४ रहेको छ । यसले २१ करोड ४० लाख रुपैयाँ बढी कमाइ गरेको छ भने तेस्रोमा रहेको १२ गाउँले १९ करोड ९२ लाख बढी आर्जन गरेको उल्लेख छ ।

यस्तो छ सबैभन्दा बढी कमाई गर्ने चलचित्रको सूची

चौथो– छक्का पञ्जा ४ (आम्दानी : १७ करोड ५३ करोड बढी)

पाँचौं – जारी (आम्दानी : १७ करोड ४७ लाख बढी)

छैठौं – छक्का पञ्जा (आम्दानी : १ १६ करोड १० लाख बढी)

सातौं – महाजात्रा (आम्दानी : १५ करोड ६७ लाख बढी)

आठौं – छक्का पञ्जा ५ (आम्दानी : १५ करोड २० लाख बढी)

नवौंमा – कोहिनुर (आम्दानी : १४ करोड ७५ लाख बढी)

दशौं – छक्का पञ्जा २(आम्दानी : १४ करोड ५१ लाख)

एघारौं – शत्रु गते (आम्दानी : १२ करोड ६५ लाख बढी)

बाह्रौं – ऊनको स्वीटर(आम्दानी : १० करोड ६२ लाख)

तेह्रौं – कवड्डी २ (आम्दानी : १० करोड ३५ लाख बढी)

चौधौं – बोक्सीको घर (आम्दानी : १० करोड १० लाख बढी)

पन्धौं – माया छपक्कै (आम्दानी : ९ करोड ९२ लाख बढी)

सोह्रौं – दिमाग खराब (आम्दानी : ८ करोड ९८ लाख बढी)

सत्रौं – अन्जली (आम्दानी : ८ करोड ८३ लाख बढी)

अठारौं – परदेशी २ (आम्दानी : ७ करोड ९२ लाख बढी)

उन्नाइसौं – छक्का पञ्जा ३ (आम्दानी : ७ करोड ८३ लाख)

बीसौं – प्रेमगीत–३ (आम्दानी : ७ करोड ६३ लाख बढी)

एक्काइसौं – कबड्डी–कबड्डी–कबड्डी (आम्दानी : ७ करोड ५९ लाख बढी)

बाइसौं – पुजार सार्की (आम्दानी : ७ करोड ३८ लाख बढी)

तेइसौं – महापुरुष (आम्दानी : ७ करोड ३५ लाख बढी)

चौबीसौं – कवड्डी (आम्दानी : ७ करोड ३४ लाख बढी)

पच्चिसौं –पशुपतिप्रसाद–२ (आम्दानी : ७ करोड ३२ लाख)