एमाले पोलिटब्यूरो बैठक आज पनि

अनलाइन नेपाल

शनिवार , श्रावण ३, २०८२

काठमाडौं । नेकपा एमालेको पोलिटब्यूरो बैठक आज पनि बस्दैछ । ललितपुर च्यासलस्थित एमाले केन्द्रीय कार्यालयमा आज बिहान ११ बजे बैठक बस्ने भएको हो ।

पार्टीका अध्यक्ष एवं प्रधानमन्त्री केपी शर्मा ओलीको अध्यक्षतामा हिजोदेखि सुरु भएको बैठकमा आठ जना सदस्यले भाग लिएका थिए ।

एमाले प्रचार विभाग प्रमुख राजेन्द्र गौतमका अनुसार विधान महाधिवेशनमा प्रस्तुत गरिने प्रतिवेदनका सम्बन्धमा बैठकमा छलफल भएको छ।

एमालेको विधान महाधिवेशनको पूर्वतयारीका क्रममा बिहीबार बसेको सचिवालय बैठकले पार्टी अध्यक्ष ओलीको राजनीतिक प्रतिवेदन, उपाध्यक्ष विष्णुप्रसाद पौडेलेको विधान संशोधन प्रतिवेदन र महासचिव शङ्कर पोखरेलको साङ्गठनिक प्रतिवेदनको प्रस्ताव पारित गरेको थियो ।

पोलिटब्यूरो बैठकले ती प्रतिवेदनलाई अनुमोदन गरेपछि यही साउन ५ गते सोमबार बस्ने केन्द्रीय कमिटी बैठकले त्यसलाई अन्तिम रूप दिने छ। एमालेको दोस्रो विधान महाधिवेशन आगामी भदौ २०, २१ र २२ ललितपुरको गोदावरीमा हुनेछ।

प्रतिक्रिया दिनुहोस्

नयाँ अपडेट

थप नयाँ अपडेट

एमाले पोलिटब्यूरो बैठक आज पनि