Jun 23 2026 | २०८३, आषाढ ९ गते
23 Jun 2026 | मंगलवार, आषाढ ९ गते २०८३
मंगलवार, आषाढ ९ गते २०८३
Jun 23 2026 | २०८३, आषाढ ९ गते
23 Jun 2026 | मंगलवार, आषाढ ९ गते २०८३
मंगलवार , आषाढ ९, २०८३
काठमाडौं । कतारको रस लाफान औद्योगिक क्षेत्रभित्र रहेको ग्यास उत्पादन केन्द्रमा आइतबार भएको भीषण विष्फोटमा नेपाली नागरिकसहित विभिन्न देशका श्रमिकहरू घाइते भएका छन् ।
उक्त घटनामा हालसम्म १३ जनाको मृत्यु भएको पुष्टि भएको छ, जसमा १२ भारतीय र एक पाकिस्तानी नागरिक रहेका छन्। साथै, ६६ जनाभन्दा बढी घाइते भएका छन्।
घाइते हुनेहरूमा नेपालीसहित कतार, भारत, पाकिस्तान, बंगलादेश, केन्या, घाना, तान्जानिया र नाइजेरियाका नागरिकहरू रहेको जनाइएको छ। उनीहरूको उपचार जारी छ भने घाइतेहरूको विस्तृत नामावली सार्वजनिक गरिएको छैन।
घटनाबारे जानकारी कतारका ऊर्जा मन्त्री साद अल–काबीले सोमबार दिएका हुन्। उनले सबै घाइतेहरूको अवस्था स्थिर रहेको र आवश्यक उपचार भइरहेको बताएका छन्।
दोहास्थित भारतीय दूतावासले सामाजिक सञ्जाल ‘एक्स’ मार्फत १२ भारतीय नागरिकको मृत्यु भएको पुष्टि गर्दै कतारी अधिकारीहरूको हवाला दिँदै घाइतेहरूको अवस्था सामान्य रहेको जनाएको छ।
© 2026 All right reserved to onlinenepal.com
Design & Developed By
