काठमाडौं । अष्ट्रेलियाको अर्बनमा तीजको अवसर पारेर सांगीतिक कार्यक्रम हुने भएको छ ।
कार्यक्रममा गायक रामजी खाँड र गायिका शान्तीरानी परियारले प्रस्तुती दिने भएका हुन् । भदौ ६ गते अर्थात अगष्ट २२ मा अर्बनको एनएसडब्लु ग्रान्ड प्लायेसमा सांगीतिक कार्यक्रम हुने भएको हो ।
तीजको अवसरमा हुने सांगीतिक कार्यक्रममा प्रवेश शूल्क ५९ डलर राखिएको छ । अनलाइनबाट भने ५५ डलरमै खरिद गर्न सकिने अर्बन सोसाइटीका अध्यक्ष अरुण श्रेष्ठले जानकारी दिए ।
विदेशमा रहेका नेपाली महिलालाई आफ्नो संस्कृति तथा चाडपर्वको महत्त्व बुझाउनका लागि यस्ता सांगीतिक कार्यक्रम गरिएको श्रेष्ठले बताए ।
विदेशमा बसेर नेपालको चाडपर्व तथा संस्कृतिलाई नभुल्नलाई पनि समय–समयमा यस्तो कार्यक्रम आयोजना गर्नुपरेको उनले बताए ।