काठमाडौं । नेकपा (माओवादी केन्द्र) को स्थायी समिति बैठक आज अन्तिम चरणमा पुगेको छ ।
पार्टी केन्द्रीय कार्यालयमा बिहान ११ बजेबाट सुरु हुने बैठकमा अध्यक्ष पुष्पकमल दाहाल ‘प्रचण्ड’ ले सदस्यहरूले उठाएका प्रश्न र धारणा माथि जवाफ दिने भएका छन् ।
बैठकमा आज प्रचण्डको जवाफअघि वरिष्ठ उपाध्यक्ष नारायणकाजी श्रेष्ठ र महासचिव देवप्रसाद गुरुङले आफ्नो धारणा राख्ने माओवादीले जनाएको छ ।
शुक्रबारदेखि जारी बैठकमा अध्यक्ष, वरिष्ठ उपाध्यक्ष र महासचिव बाहेकका सबै नेताले धारणा राखिसकेका छन् । आजको सत्रपछि बैठक समापन गर्ने तयारी छ।