हेटौंडा । बागमती प्रदेशले नयाँ नेतृत्व पाएसँगै मन्त्रिपरिषद् समेत गठन भएको छ ।
मंगलबार प्रदेश प्रमुख दीपकप्रसाद सापकोटाले नेपाली कांग्रेसका इन्द्रबहादुर बानियाँलाई प्रदेशको छैठौँ मुख्यमन्त्रीका रूपमा पद तथा गोपनीयताको शपथ गराएसँगै, मन्त्रिपरिषद् विस्तारको प्रक्रिया पनि अघि बढाइएको हो ।
संविधानको धारा १६८ को उपधारा (९) बमोजिम मुख्यमन्त्री बानियाँको सिफारिसमा ८ सदस्यीय मन्त्रिपरिषद् गठन गरिएको छ ।
नवगठित मन्त्रिपरिषद्का सबै मन्त्रीलाई पनि प्रदेश प्रमुख सापकोटाले नै पद तथा गोपनीयताको शपथ गराए ।