काठमाडौं । नेपालले आजदेखि श्रीलंकामा हुने साफ यू-१७ पुरुष च्याम्पियनसिपमा श्रीलंकासँगै खेल्दै प्रतियोगिताको सुरुआत गर्दै छ ।
सोमबार नेपालले प्रतियोगिताको उद्घाटन खेलमा श्रीलंकाको सामना गर्न लागेको हो । खेल श्रीलंकाको रेसकोर्स रंगशालामा नेपाली समयअनुसार ७ः१५ बजे हुनेछ ।
प्रतियोगितामा दुवै टोली समूह ‘ए’मा छन् । यो समूहमा नेपाल र श्रीलंकासँगै बंलादेश पनि छ ।अर्को समूह ‘बी’मा भारत, माल्दिभ्स, पाकिस्तान र भुटान छन् । प्रतियोगिता आगामी असोज ११ गते (सेप्टेम्बर २७) सम्म हुनेछ ।
प्रतियोगिताको लागि प्रशिक्षक सञ्जित सिंहको नेतृत्वमा २३ सदस्यीय टोली गत भदौ २९ गते श्रीलंका पुगेको थियो ।