नेपाल थाइल्याण्डसँग १२-० गोलले पराजित

अनलाइन नेपाल

शुक्रवार , आश्विन ३१, २०८२

काठमाडौं । थाइल्याण्डसँगको निर्णायक खेलमा ठूलो अन्तरको हार बेहोर्दै नेपाल एएफसी महिला यू–१७ एसियन कप २०२५ को छनोट चरणबाट बाहिरिएको छ ।

थाइल्याण्डको चोनबुरी रंगशालामा शुक्रबार सम्पन्न समूह ‘एफ’ अन्तर्गतको अन्तिम खेलमा घरेलु टोली थाइल्याण्डले नेपाललाई १२–० गोलअन्तरले पराजित गरेको हो ।

खेलको पहिलो हाफमा नै थाइल्याण्डले ८ गोल गर्दै नेपालमाथि एकतर्फी दबाब सिर्जना गर्‍यो । दोस्रो हाफमा थप ४ गोल गर्दै घरेलु टोलीले जित सुनिश्चित गर्‍यो ।

थाइल्याण्डका खेलाडीहरूले उच्च स्तरको पासिङ, स्पीड र फिनिशिङ प्रदर्शन गरे भने नेपाली खेलाडीहरू अधिकांश समय डिफेन्समै सीमित रहे ।

यो जितसँगै थाइल्याण्डले समूह ‘एफ’ का दुवै खेल जित्दै ६ अंक जोड्यो र अङ्क तालिकाको शीर्ष स्थानमा रहँदै आगामी वर्ष चीनमा आयोजना हुने एएफसी महिला यू–१७ एसियन कपमा स्थान पक्का गर्‍यो ।

नेपालले आफ्नो पहिलो खेलमा तुर्कमेनिस्तानसँग ०–० को बराबरी खेलेको थियो। तर दोस्रो खेलमा ठूलो अन्तरको हार बेहोर्दै नेपालको अभियान यहीसँग समाप्त भएको हो।

सम्बन्धित न्युज

एएफसी एसियन कप छनोटमा लाओससँग नेपाल पराजित

प्रतिक्रिया दिनुहोस्

नयाँ अपडेट

थप नयाँ अपडेट

नेपाल थाइल्याण्डसँग १२-० गोलले पराजित