दोलखा। दोलखाको रोल्वालिङ उपत्यकास्थित यलुङ रि हिमालमा गएको हिमपहिरोमा परेर तीन जनाको मृत्यु भएको छ ।
सोमबार बिहान १०:३० बजे गएको हिमपहिरोमा परी तीन जनाको मृत्यु भएको हो ।
जिल्ला प्रहरी कार्यालय, दोलखाका डीएसपी जानकुमार महतोका अनुसार ८ जना हराइरहेका छन् ।
१५ जनाको टोली नेपाली गाइडसहित नाँ गाउँबाट हिमाल आरोहण गर्न भनी निस्किएको थियो । हिँडेको डेढ घन्टापछि पहिरो गएको महतोले जानकारी दिए ।
जिल्ला प्रहरी कार्यालय दोलखाको डीएसपी ज्ञान कुमार महतोका अनुसार निधन हुनेमा एक विदेशी र दुई नेपाली छन्।
उनका अनुसार उद्दारका लागि हेलिकप्टर तयार रहेको तर मौसमका कारण जान सकिरहेको छैन । स्थानीयको सहयोगमा नेपाल प्रहरी, सशस्त्र र नेपाली सेना उनको खोजी कार्यमा खटिएका छन् ।