दोलखा । दोलखाको यलुङ री हिमपहिरोमा परेकामध्ये थप दुई जना विदेशी आरोहीको शव फेला परेको छ ।
बुधबार इटालीका पाउलो कोको र फ्रान्सका क्रिस्चियन आन्द्रे मनफ्रेडीको शव निकालिएको हो ।
दोलखा प्रहरीका अनुसार मंगलबार नेपाली पथप्रदर्शक सोलुखुम्बुको माप्य दूधकोशी गाउँपालिका–५ का मेरे कार्की र दोलखाको गौरीशंकर गाउँपालिका–९ का पदम तामाङको शव निकालिएको थियो ।
उनीहरू सोमबार बिहान यलुङ री आरोहणका क्रममा हिमपहिरोमा परेका थिए ।