Jun 07 2026 | २०८३, जेठ २४ गते
07 Jun 2026 | आइतवार, जेठ २४ गते २०८३
आइतवार, जेठ २४ गते २०८३
Jun 07 2026 | २०८३, जेठ २४ गते
07 Jun 2026 | आइतवार, जेठ २४ गते २०८३
शुक्रवार , कार्तिक २१, २०८२
मोरङ । मोरङको जहदा गाउँपालिका–३ बाट एम्बुलेन्स प्रयोग गरी लागू औषध गाँजा ओसारपोसारमा संलग्न दुई जनालाई प्रहरीले पक्राउ गरेको छ ।
कार्तिक १९ गते राति, विशेष सूचनाका आधारमा लागू औषध नियन्त्रण ब्युरो विराटनगर र वडा प्रहरी कार्यालय हाटखोलाबाट खटिएको प्रहरी टोलीले स.१ च ६५६ नम्बरको एम्बुलेन्स जाँच गर्ने क्रममा झोलाभित्र लुकाइ–छिपाइ राखिएको ३३ किलो ६१० ग्राम गाँजा फेला पारेको हो ।
गाँजा बरामदसँगै प्रहरीले एम्बुलेन्स चालक विराटनगर–५ का ३२ वर्षीय दुर्गा प्रसाद राजवंशी र सोही एम्बुलेन्ससँगै रहेका मोटरसाइकल (को.३१ प ८८८९) चालक जहदा गाउँपालिका–३ का ३२ वर्षीय दिलीप कुमार राजवंशीलाई नियन्त्रणमा लिएको छ।
मोरङ प्रहरीका अनुसार दुबै जनामाथि लागू औषध ऐन, २०३३ अनुसार मुद्दा दर्ता गरेर अनुसन्धान सुरु गरिएको छ।
© 2026 All right reserved to onlinenepal.com
Design & Developed By
