काठमाडौं । बेलायतमा अध्ययनरत एक नेपाली विद्यार्थी योमन चन्द सुतेकै अवस्थामा मृत भेटिएका छन् ।
गैर आवासीय नेपाली संघ (एनआरएनए) युकेका अनुसार, युनिभर्सिटी अफ हर्टफोर्डसायर, ह्याटफिल्डमा एमएस्सी इन कम्युनिकेसन्स एण्ड इन्फरमेसन इन्जिनियरिङ अध्ययनरत २६ वर्षीय चन्दको मंगलबार बिहान निधन भएको हो ।
एनआरएनए युकेका अध्यक्ष राजेन्द्र पुडासैनीका अनुसार, सल्यान स्थायी घर भएका चन्दको लन्डनस्थित एजवेयरमा निधन भएको पुष्टि भएको छ ।
संघले चन्दको पार्थिव शरीरको अन्त्येष्टि परिवारसँगको परामर्शपछि गर्ने तयारी गरेको जनाएको छ ।