प्रधानमन्त्रीसँग प्रहरी प्रमुख खापुङको बिदाइ भेट, भोलिदेखि कार्कीले सम्हाल्ने नेतृत्व

अनलाइन नेपाल

बुधवार , कार्तिक २६, २०८२

प्रधानमन्त्रीसँग प्रहरी प्रमुख खापुङको बिदाइ भेट, भोलिदेखि कार्कीले सम्हाल्ने नेतृत्व

काठमाडौं । नेपाल प्रहरीका महानिरीक्षक (आईजीपी) चन्द्रकुबेर खापुङले प्रधानमन्त्री सुशीला कार्कीसँग बिदाइ भेट गरेका छन् ।

सिंहदरबारस्थित प्रधानमन्त्री तथा मन्त्रिपरिषद् कार्यालयमा मंगलबार प्रधानमन्त्री कार्कीसँग खापुङले बिदाइ भेट गरेका हुन् । बिदाइ भेटका क्रममा खापुङसँगै उनका उत्तराधिकारी दानबहादुर कार्की पनि उपस्थित थिए ।

भेटका क्रममा खापुङले आफ्नो कार्यकालमा प्राप्त उपलब्धिहरू, संगठन सुदृढीकरणका प्रयास र सुधारका प्राथमिकताहरूबारे प्रधानमन्त्रीलाई जानकारी गराएका थिए ।

प्रधानमन्त्री कार्कीले खापुङको नेतृत्वमा नेपाल प्रहरीले अपराध नियन्त्रण, सार्वजनिक सुरक्षाको सुदृढीकरण र समुदाय–मैत्रीमा देखाएको योगदानको प्रशंसा गरेकी छन् ।

सो अवसरमा मुख्यसचिव एकनारायण अर्याल पनि उपस्थित रहेका थिए । आईजीपी खापुङ आज रातिबाट अनिवार्य अवकाशमा जाँदैछन् ।

भोलिबाट दानबहादुर कार्कीले नेपाल प्रहरीको कमाण्ड सम्हाल्ने छन् । उनलाई सरकारले आईजीपीमा नियुक्त गरिसकेको छ ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

प्रधानमन्त्रीसँग प्रहरी प्रमुख खापुङको बिदाइ भेट, भोलिदेखि कार्कीले सम्हाल्ने नेतृत्व